N.Nazarbaev: Qorshaǵan orta úshin memleketter ǵana emes, jergilikti korporatsııalar da jaýapty
ASTANA. QazAqparat - Astanada jalpy otyrysy ótip jatqan Astana ekonomıkalyq forýmy aıasynda QR Prezıdenti Nursultan Nazarbaev jasyl ekonomıkany damytý jóninde jol kartasyn ázirleýdi usyndy.
«Búginde ǵaryshtyń paıdasyn qýamyz dep, qorshaǵan ortaǵa qatysty keshendi máselelerdi nazardan tys qaldyryp júrmiz. Klımattyq ózgeristerge qarsy is-qımyldar týraly jahandyq bastama óte mańyzdy. Degenmen, ózge de máselelerdi umytýǵa bolmaıdy. Parıj kelisimi negizinde jasyl ekonomıkany damytý jónindegi jol kartasyn ázirleýdi usynamyn. Bul jol kartasy atmosferaǵa shyǵatyn zııandy qaldyqtardyń kólemin azaıtyp qana qoımaı, jer men olardyń qundylyǵyn, sýdyń azaıyp, bıoortanyń buzylmaýyna, sýlaryn saqtaýǵa yqpal etýi kerek. Dál osy máseleler kóptegen damýshy elder úshin mańyzdy bolyp otyr. Bul jerde, qorshaǵan orta úshin memleketter ǵana emes, jergilikti korporatsııalar da jaýapty bolýy kerek», - dedi N.Nazarbaev.
Elbasy sondaı-aq tabıǵatty qorǵaý máselesi ulttyq deńgeıde ǵana talqylanatynyn, al álemdik deńgeıde dıalog joq ekenin atap ótti.
