N.Nazarbaev qoldaý kórsetip, senim artqan qazaqstandyqtarǵa alǵys aıtty

«Men barlyq óńirlerde, barlyq jıyndarda, keńesterde, ásirese Qazaqstan halqy Assambleıasynyń sessııalarynda óz atyma óte kóp alǵys estımin. Sondyqtan da búgin mende barsha qazaqstandyqtarǵa, sizderdiń árqaısylaryńyzǵa osy jyldardyń ishinde maǵan qoldaý bildirgenderińiz úshin, árbir saılaýda zor basymdyqpen saılaǵandyqtaryńyz úshin alǵysymdy bildirý múmkinshiligi týyndap otyr», - dedi N.Nazarbaev.

Osy rette Memleket basshysy halyq pen bılik birlikte bolyp, bir-birine senim artqanda ǵana jaıly ómir ornaıtyndyǵyna senimdi ekendigin atap ótti. Sonymen qatar Qazaqstannyń barsha halqyna birligi men kelisimi, dostyǵy men ózara túsinistigi úshin shyn kóńilden zor rızashylyǵyn bildirdi.

«Árbir otbasynda, árbir úıde beıbitshilik, meıirim, baqýattylyq bolsyn. Alǵys aıtý kúni ár adamnyń jan-júregine jaqyn elimizdiń eń mańyzdy merekeleriniń birine aınalatyndyǵyna senimdimin», - dedi Elbasy.