N.Nazarbaev kóbeıip ketken paıdasyz halyqaralyq konferentsııalardy ótkizýge shekteý qoıýdy tapsyrdy - Úkimet otyrysy
ASTANA. 27 qańtar. QazAqparat /Rýslan Ǵabbasov/ - Nursultan Nazarbaev kóbeıip ketken paıdasyz halyqaralyq konferentsııalardy ótkizýge shekteý qoıýdy tapsyrdy.
Mundaı tapsyrmany Memleket basshysy búgin, Úkimettiń keńeıtilgen otyrysynda júktedi.
Bıýdjetti ońtaılandyrýǵa toqtalǵan Elbasy, «Qarjy mınıstrligi bıýdjet shyǵystaryn taǵy qaıta qarastyrýy kerek»,-dep toqtaldy.
Birinshiden, kóp shyǵysty, paıdasyz sharalardy ótkizýge qarjylyq shyǵyndardy qysqartý kerek»,-dedi Prezıdent.
Osy oraıda, Memleket basshysy mundaı sharalar elimizde kóbeıip ketkendigine eskertý jasady.
«Barlyǵy Qazaqstanǵa kelýdi jaqsy kóredi. Bul meımandardy jaqsy jaǵdaımen qarsy alamyz. Sońǵy kezde mundaı sharalar jıilep ketti. Ekonomıkalyq ahýal jaqsaryp edi, tolyp ketken mereıtoılar men konferentsııalar, halyqaralyq keńester paıda boldy»,-dedi N. Nazarbaev.
Elbasynyń sózine qaraǵanda, mınıstrlikter men ákimdikterdiń josparlarynda búginde osyndaı sharalar 3 myńnan astamǵa jetip otyr. «Bundaıdy doǵarý qajet»,-dep túıindedi Prezıdent.
