N.Nazarbaev: Kelesi jyly Astananyń ormany Býrabaıǵa qosylady
ASTANA. QazAqparat - 2017 jyly Astananyń jasyl beldeýindegi orman Býrabaıǵa jetedi. Bul týraly búgin jasyl aımaqtaǵy ormandy aralaı otyryp, Memleket basshysy Nursultan Nazarbaev málim etti.
N.Nazarbaev atap ótkendeı, jasyl aımaq qyzmetkerleri jyl saıyn bes myń gektar jerge tal egip, ony kútip, osyndaı ormanǵa aınaldyryp keledi. On segiz jyl ishinde jasyl beldeýdiń kólemi Býrabaı ulttyq parkiniń kólemimen teńesken eken.
«Endigi mindet, osy ormandy Býrabaı ormanyna qosý. Qazir Astananyń jasyl aımaǵyndaǵy orman Shortandy aýdanyna deıin júz shaqyrymǵa jetti. Odan keıin taǵy shamamen júz shaqyrym bar. Kelesi jyly orman Býrabaıǵa jetedi», - dep málim etti Memleket basshysy.
Elbasy atap ótkendeı, Astananyń jasyl aımaǵy Kókshetaýǵa ǵana emes, Pavlodar,Qaraǵandy, Qostanaı óńirlerine de boılaıdy. Osylaısha, Astananyń aınalasy ný ormanǵa aınalmaq.
«Qazaqstannyń árbir qalasy orman sharýashylyǵyn damytsa, elimiz ekologııasy taza, jap-jasyl elge aınalar edi. Orman degenimiz qalanyń ókpesi emes pe?!. On segiz jyl ishinde Astanany osynsha kógaldandyrdyq. Bul meni qatty qýantady. Astanaǵa ushyp kelgen kez kelgen adam aınalasy jap-jasyl orman ekenin kóredi», - deı kele Memleket basshysy osy ormannyń ár talyn ter tóge otyryp baptaǵan jumysshylarǵa zor alǵysyn bildirdi.
