N.Nazarbaev keleshekte oryn alar jahandyq oqıǵalardy kóregendilikpen baǵamdaýda - R. Radjabov
Bul týraly Joldaýǵa baılanysty pikirin bildirgen bedeldi ázerbaıjan taldaýshysy, 3rdVIEW ortalyǵynyń basshysy Raýf Radjabov aıtty.
Sarapshynyń paıymdaýynsha, Qazaqstan Prezıdenti jahandyq ekonomıkalyq kún tártibin naqty aıqyndaı bildi: jetekshi derjavalar arasyndaǵy sanktsııalyq teketires saldarynan álemdik ekonomıkany qalpyna keltirý baıaýlady - munaı baǵasy quldyrap, álemdik ekonomıka ósimi tómendedi. Bul rette Halyqaralyq Valıýta Qory jáne Dúnıejúzilik bank sııaqty jetekshi halyqaralyq ekonomıkalyq ınstıtýttar janama túrde Qazaqstan Prezıdentiniń tujyrymyn rastaıdy.
Nursultan Nazarbaev «taıaý jyldar jahandyq synaq ýaqyty bolatynyn baǵamdaı bildi. Kúlli álem sáýleti ózgeretin bolady. Osy kúrdeli kezeńnen barlyq el laıyqty óte almaýy múmkin. Mundaı joldy judyryqtaı jumylǵan myqty el ǵana eńserip shyǵady...».
Basqasha aıtqanda, Qazaqstan Respýblıkasynyń ulttyq jáne óńirlik múddelerin qamtamasyz etý tikeleı eldiń básekege qabilettiligine baılanysty, ol óz kezeginde týyndaýy múmkin qaýipter men syn-qaterlerge ýaqtyly jáne tıimdi den qoıa bilgen saıası jáne ekonomıkalyq zııaly qaýymnyń qabilet-qarymyna baılanysty.
«Qazaqstan Prezıdenti N. Nazarbaev keleshekte oryn alatyn jahandyq oqıǵalar barysyn alystan boljamdap, kóregendilikpen baǵamdaýda. Tek ekonomıkalyq qýatty el ǵana qarqyndy ózgeristegi álemde kóshbasshylyq ustanymdy ıelene alady. Bul jaǵynan Qazaqstan Prezıdenti ulttyq jáne aımaqtyq kóshbasshy ekendigin taǵy bir dáleldedi. Respýblıka, óńir halqyn elde sapaly qaıta qurý úrdisin basqarýǵa ázir bolýǵa úndedi», - dedi R. Radjabov.
