N.Nazarbaev: «Qazposhta» men «KEGOK» tıimdiligi tómen kompanııalar bolyp qalýda
ASTANA. QazAqparat - «Qazposhta», «KEGOK» jergilikti, tıimdiligi tómen kompanııalar bolyp qalýda. Búgin «Samuryq-Qazyna» UÁQ» AQ Transformatsııa forýmy barysynda Elbasy Nursultan Nazarbaev osylaı dedi.
«Biz shetelik strategııalyq seriktes tartqan «Eır Astana» ǵana qazirgi ýaqytta jahandyq naryqtaǵy laıyqty básekeles bolyp otyr. Tek sol ǵana kapıtal paıdalanýda tipti, álemdik básekeles kompanııalardan da joǵary tıimdilik kórsetýde», - dedi Elbasy.
QR Prezıdentiniń atap ótinshe, «Qazatomónerkásip» pen «Qazaqstan temir joly» ulttyq kompanııalary da kapıtaldy paıdalanýda jaman nátıje kórsetip otyrǵan joq.
«Biraq, qordyń basqa kompanııalary ókinishke oraı mundaı tabyspen maqtana almaıdy. «Qazposhta», «KEGOK» jergilikti, tıimdiligi tómen kompanııalar bolyp qalýda jáne búgingi tańda álemik dál sondaı kompanııalarmen básekeles bola almaıdy. Qor úshin olar ne usyndy, damý strategııasy qandaı? Úkimetke ne usyndy? Maǵan ázirshe belgisiz. Biz júktep otyrǵan mindetterge olar qalaı qol jetkizbek?», - dedi Memleket basshysy.
