N. Nazarbaev: Qazirgi álemdegi qıyn jaǵdaıda ekonomıkany tómendetpeı, joǵary dárejede ustaý - barlyǵymyz úshin abyroı
ASTANA. QazAqparat - Búgin Aqordada ótken QR Úkimetiniń keńeıtilgen otyrysynda Memleket basshysy Nursultan Nazarbaev QR Úkimeti men ákimdikterge burynǵyǵa qaraǵanda eki ese artyq jumys isteýdi júktedi.
«Qazir burynǵyǵa qaraǵanda eki ese artyq jumys isteý kerek. Jyl aıaqtalýǵa jaqyndady. Barlyq máselelerdi únemi nazarda ustaý kerek, ıaǵnı bıylǵy jyldy durystap aıaqtaý kerek. Ár oblysta, aýdanda, árbir mınıstrlikte barlyq máselelerdi qarastyryńdar. Mynandaı jaǵdaıda ekonomıkany tómendetpeı, joǵary dárejede ustaý - barlyǵymyz úshin abyroı. Sondyqtan el úshin jasap jatqan eńbekterimiz tabysty bolsyn!» - dedi Memleket basshysy otyrysqa qatysqan Úkimet múshelerine qaratyp aıtqan sózinde.
Sonymen qatar Prezıdent álemdik ekonomıkadaǵy jaǵdaıǵa qaramastan qazirgi kezde Qazaqstan halqynyń jaǵdaıy jaman emes ekenin aıta kele: «el aman, jurt tynysh, óz sharýalaryn jasap jatyr. Dastarhanynda tamaǵy bar, baspanasy men kóligi bar», - dedi.
