N. Nazarbaev Qazaqstannyń sot júıesiniń tıimdiligin odan ári qamtamsyz etý úshin tyń qadamdar jasalatynyn aıtty
ANA. 8 sáýir. QazAqparat / Qanat Mámetqazyuly/ - Qazaqstannyń sot júıesiniń odan ári tıimdiligin qamtamasyz etý úshin tyń qadamdar jasaýǵa nıettimin. Búgin Astanadaǵy Táýelsizdik saraıynda ótken ulyqtaý rásiminde Qazaqstan halqyna Ant berip, jańa prezıdenttik merzimge resmı kiriskennen keıingi sóılegen sózinde Qazaqstan Respýblıkasynyń Prezıdenti Nursultan Nazarbaev osylaı málimdedi.
«Biz jaýapty, táýelsiz aqparat quraldarynyń júıesin damytatyn bolamyz. Meniń mindetim zań aldynda barlyǵynyń teńdigin qamtamsyz etý. Men sot júıesiniń tıimdiligin odan ári qamtamsyz etý úshin tyń qadamdar jasaýǵa nıettimin», - dedi Elbasy. Sonymen qatar Prezıdent sybaılas jemqorlyqpen kúres qoǵamnyń ortaq mindeti ekendigin aıta kele, jekemenshik quqyqtarynyń qorǵalýyn qamtamasyz etýdiń mańyzdylyǵyn da atap ótti. Osy jáne basqa da reformalar Qazaqstannyń jaqyn onjyldyqta ekonomıkadaǵy senimdi jemisin, halyqtyń ál aýqatynyń artýyn qamtamasyz etpek.
«Búgingi kúni Qazaqstan halyqaralyq qaýymdastyqtyń asa jaýapty qatysýshysy bolyp otyr. Biz Semeı synaq polıgonyn japtyq, ıadrolyq qarýdan bas tartyq. Búgingi kúni biz ǵalamdyq ıadroǵa qarsy qozǵalystyń eń aldynǵy qataryndamyz. Biz óz kórshileremizben birge, odaqtastarymyzben, áriptesterimizben birge óńirlik qaýipsizdik pen yntymaqtastyqtyń jańa tetikterin qalyptastyrdyq. Bul AÓSShK, ShYU, UQShU aıasynda júzege asty», - dedi Elbasy. Sonymen birge, Prezıdent Qazaqstannyń EQYU-ǵa tóraǵalyǵy men Uıymnyń Astanadaǵy Sammıti tabysty ótkenin aıtyp, osynshama qysqa merzimde mundaı jetistikterge jetken eldiń de joq ekendigin atap ótti.
