N.Nazarbaev qazaqstandyqtardy radıkalızmnen saqtanýǵa shaqyrdy
ASTANA. QazAqparat - Radıkalızm tirshiliktiń birde-bir salasynda paıda ákelmeıdi. Búgin «Elbasymen birge - jańa jeńisterge!» atty jastar forýmynda Elbasy Nursultan Nazarbaev osylaı dedi.
«Qazirgi zamanǵy memleket zaıyrly bolýy tıis. Dál sondaı jaǵdaıda eldiń áleýeti barynsha júzege asyrylatyn bolady. Halyqaralyq kez kelgen radıkalızmmen, onyń ishinde dinı de radıkalızmmen barynsha aınalysatyn bolsa, ondaı memlekettiń damý qarqyny da tejele beredi. Sebebi qarapaıym. Radıkalızm tirshiliktiń birde-bir salasynda paıda ákelmeıdi. Ol tek progresti tejeıdi, keri ıteredi», - dedi Elbasy.
QR Prezıdentiniń atap ótýinshe, ekonomıkadaǵy radıkalızm oılastyrylmaǵan avantıýralarǵa ákep soǵady. Al mádenıettegi radıkalızm myńdaǵan jyldar boıy halyqtyń rýhanı qundylyǵy bolǵan dástúr men saltty óshiredi.
«Mundaı eldiń ımmýnıteti álsireıdi, ol «aýyra» bastaıdy. Sóz dinnen bas tartý turǵysynda bolyp otyrǵan joq. Táýelsizdik jyldary ishinde Qazaqstanda 2230 meshit, 186 pravoslav, 40 katolık shirkeýi salyndy», - dedi QR Prezıdenti.
