N. Nazarbaev «Qazaqstanda jasalǵan» otandyq taýar óndirýshilerdiń kórmesimen tanysady

ASTANA. QazAqparat - Búgin Astanada «Qazaqstanda jasalǵan - Sdelano v Kazahstane» otandyq taýar óndirýshilerdiń kórmesi ashylady. Kórmeni Elbasy Nursultan Nazarbaev aralap shyǵady dep kútilýde.

Kórmede elimizdiń barlyq óńirlerinen 80-nen astam kompanııalar óz ónimderin usyndy.

«Kórmeniń negizgi baǵyty: jańa kásiporyndar, jańa óndiristik tizbekter, shyǵarylatyn ónimdi jandandyrý jáne keńeıtýdegi jańa bastamalar. Agenttik «Qazaqstanda jasalǵan - Sdelano v Kazahstane» aktsııasynyń úılestirýshi bolyp tabylady jáne osy kórme elimizde keń aýqymdy paıdalanýǵa arnalǵan taýarlar óndirisi artyp kele jatqanynyń dáleli bolyp otyr. Kórmede azyq-túlik ónimderiniń erekshe túrlerinen bastap túımege, aıaq-kıim, turmystyq jýý quraldary, antıfrız, dońǵalaq juptary jáne temir jolǵa arnalǵan burý quraldaryna deıin ónimderdiń búkil tizimi usynylyp otyr. Kórme, eń aldymen, otandyq taýarlar men kásiporyndar týraly aqparatty halyqqa keńinen taratýǵa baǵyttalǵan», - dep atap ótti kórmeniń uıymdastyrýshysy «Jergilikti qamtýdy damytýdyń Ulttyq agenttigi «NADLoC» AQ (QR IDM) Basqarma Tóraǵasy Qaırat Bektúrgenev. Sondaı-aq «Jergilikti qamtýdy damytýdyń Ulttyq agenttigi «NADLoC» AQ (QR IDM), «Avaya» amerıkalyq kompanııasynyń ókilderi jáne «KazTehElektronıka» kompanııasy arasynda Qazaqstanda telekommýnıkatsııalyq salany damytýdaǵy yntymaqtastyq týraly úshjaqty memorandýmǵa qol qoıylatyn bolady. Taraptar Astanada jáne Jezqazǵanda telefon stansalary jáne telefon apparattarynyń óndirisin iske qosýǵa nıetti. Óndiris mynalardy qamtıtyn bolady: AVAYA usynatyn baǵdarlamalyq jasaqtamany Qazaqstanǵa beıimdeý jáne oqshaýlaý, apparattyq platformaǵa ornatý úshin júıelik baǵdarlamalyq jasaqtamanyń ashyq bastapqy kodymen BJ bazasynda ázirleý.

Budan basqa, is-shara aıasynda «Jergilikti qamtýdy damytýdyń Ulttyq agenttigi «NADLoC» AQ jáne otandyq taýar óndirýshileri arasynda ónimge Biryńǵaı logotıpti túsirý týraly 20 memorandýmǵa qol qoıady dep kútilýde.