N.Nazarbaev: Qazaqstan men Mysyrdyń aýyl sharýashylyǵy salasynda uzaqmerzimdi baılanystar jasaý múmkinshiligi zor
ASTANA. QazAqparat - Qazaqstan men Mysyrdyń aýyl sharýashylyǵy salasynda uzaqmerzimdi baılanystar jasaý múmkinshiligi zor. Bul týraly búgin Aqordada elimizge resmı saparmen kelgen Mysyr Arab Respýblıkasynyń Prezıdenti Ábdel Fattah As-Sısımen kelissózderden keıingi birlesken málimdemede Elbasy Nursultan Nazarbaev aıtty.
Elbasy Qazaqstan men Mysyrdyń aýyl sharýashylyǵy salasynda uzaqmerzimdi baılanystar jasaý múmkinshiligi zor ekendigin basa aıtty.
«Mysyr eli astyqty eń kóp satyp alatyn, biz kóp eksportqa shyǵaratyn memleketpiz. Qazaqstan astyq eksportynda kóshbasshylardyń biri. Sondyqtan 2006-2010 jyldary Qazaqstan Mysyrǵa 1 mln. tonnaǵa deıin astyq jiberip otyrdy. Osy baǵytty odan ary qaraı órkendetetin bolamyz», - dedi QR Prezıdenti.
