N.Nazarbaev: Qazaqstan Latvııamen yntymaqtastyqty odan ári damytýǵa nıetti

ASTANA. QazAqparat - Qazaqstan Latvııamen yntymaqtastyqty odan ári damytýǵa nıetti. Búgin Aqordada birqatar shetel Elshisinen senim gramotasyn qabyldaǵan Elbasy Nursultan Nazarbaev osylaı dedi.

«Qazaqstan Latvııa Respýblıkasymen yntymaqtastyqty odan ári damytýǵa nıetti. Biz Latvııany Baltyq óńirindegi mańyzdy saýda-ekonomıkalyq áriptesimiz retinde qarastyramyz. Kólik-tranzıt, mashına jasaý jáne aýyl sharýashylyǵy, aqparattyq tehnologııa, bilim, týrızm salalaryndaǵy yntymaqtastyqtyń áleýeti óte zor», - dedi Elbasy.

Memleket basshysy Latvııamen saýda-ekonomıkalyq, mádenı-gýmanıtarlyq salalardaǵy yntymaqtastyqty keńeıtetin kez kelgenin basa atap ótti.