N.Nazarbaev: Qazaqstan ǵylymı-tehnıkalyq progrestiń jetistikteri negizinde ómir súretin elge aınalady
«Búgin professor Djeffrı Sak Kolýmbııanyń ınflıatsııany qalaı eńsergenin aıtty. 1994 jyly Qazaqstanda jyldyq ınflıatsııa 2150 paıyzdy qurady. Mine biz osydan bastap, sondaı kedeıshilikten búgingi kúngi ortasha baqýatty memlekettiń qataryna jettik. Menińshe, bul eń basty jetistik», - dedi QR Prezıdenti otyrys moderatory Hemısh MakReıdiń saýalyna oraı.
Sonymen qatar Elbasy osy jyldardyń ishinde 100-den astam etnos pen ondaǵan din ókilderi turatyn elimizde beıbitshilik pen turaqtylyqtyń da saqtalyp kele jatqandyǵyn basa aıtty.
«Olardyń barlyǵy da Qazaqstan azamattary jáne olar birlesip, osy memleketti qurdy. Djek Ma myrza (Alıbaba kompanııasynyń negizin qalaýshy) 17 jyldyń ishinde Alıbabany damytýdyń keremet tarıhyn aıtyp berdi. Al men 17 jyldyń ishinde ózderińiz kórip otyrǵan osy elordamyzdy irgetasynan bastap saldyrdym», - dedi Memleket basshysy.
QR Prezıdenti aldaǵy 20 jyldyń ishinde Qazaqstannyń barynsha gúldengen memleketke aınalatyndyǵyna jáne 2050 jylǵa qaraı álemniń damyǵan 30 eliniń qataryna kiretindigine senimdi ekendigin atap ótti.
«Sol kezde elde óz ómirine kóńili tolatyn adamdar ómir súretin bolady. Qazaqstan óziniń azamattaryn jáne bizge kelýshilerge úzdik jaǵdaı jasaıdy. Olar bilimdi adamdar bolady, qajetti tilderdi meńgeredi. Bizdiń elimiz ǵylymı-tehnıkalyq progrestiń, ıaǵnı ınnovatsııanyń jetistikteri negizinde ómir súretin elge aınalady. Meniń oıym osy», - dedi QR Prezıdenti.
