N.Nazarbaev Qazaqstan ekonomıkasyna teris yqpal etýi múmkin faktorlardy atady
ASTANA. QazAqparat - Búgin Aqordada QR Prezıdenti Nursultan Nazarbaevtyń tóraǵalymen ekonomıkalyq saıasattyń júıeli sharalary jónindegi keńes ótti. Shara barysynda álemdik naryqtaǵy ahýaldyń qıyndaýy jaǵdaıynda qazaqstandyq ekonomıkanyń ósimin qamtamasyz etý baǵyttary talqyǵa tústi.
Memleket basshysy uzaqmerzimdi bolashaqta qazaqstandyq ekonomıkaǵa yqpal etýi múmkin birqatar teris faktorlardy atap kórsetti. «Birinshiden, sarapshylardyń pikirinshe, munaı men metaldyń tómen baǵasy 5 jyl boıy saqtalýy múmkin. Ekinshiden, damýshy elderdiń ınvestıtsııalar men kapıtalǵa qoljetimdiliginiń aıtarlyqtaı shektelýi oryn alady. Úshinshiden, bizdiń negizgi seriktesterimizdiń, eń aldymen Reseı men Qytaı tarapynan álsiz suranys saldarynan qazaqstandyq ónimdi ótkizý naryǵy tarylady», - dedi Elbasy. QR Prezıdenti oryn alyp otyrǵan jaǵdaıda memleketten teńgerimdi bıýdjetti jáne monetarlyq saıasatty qamtamasyz etý, sonymen birge ekonomıkalyq ósimdi qoldaý maqsatynda jahandyq syn-qaterlerge qarsy turý boıynsha tıimdi aldyn alý sharalaryn júrgizýdi talap etetindigin basa aıtty.
