N.Nazarbaev: Qazaqstan BUU Qaýipsizdik keńesiniń turaqty emes múshesi retinde saılansa, qaýipsizdikti nyǵaıtý máselelerin belsendi ilgeriletýge nıetti

TAShKENT. QazAqparat - Qazaqstan BUU Qaýipsizdik keńesiniń turaqty emes múshesi retinde saılansa, qaýipsizdikti nyǵaıtý máselelerin belsendi ilgeriletýge nıetti. Bul týraly búgin Shanhaı Yntymaqtastyq Uıymyna múshe memleketter basshylary keńesiniń keńeıtilgen quramdaǵy otyrysynda QR Prezıdenti Nursultan Nazarbaev aıtty.

«Óńirlik jáne halyqaralyq máseleler taqyrybyn qozǵaı otyryp, ShYU-nyń syrtqy shekarasy boıynda shıelenis oshaqtarynyń saqtalyp otyrǵandyǵyn atap ótkim keledi. Óńirlik qaýipsizdikti qamtamasyz etýde Aýǵanstandaǵy turaqtylyqty qoldaý - mańyzdy», - dedi N.Nazarbaev.
Osy rette Elbasy Kabýldyń jalpyulttyq dıalogty jolǵa qoıý jáne saıası reforma júrgizý boıynsha sharalaryna qoldaý bildiretindigin basa aıtty.

«ıAdrolyq qarýdy taratpaý jónindegi sharttyń qatysýshysy retinde Qazaqstan KHDR-dyń ıadrolyq baǵdarlamasy boıynsha altyjaqty kelissózdi jandandyrýdy qoldaıdy. Tolyqtaı alǵanda, Qazaqstan BUU Qaýipsizdik keńesiniń turaqty emes múshesi retinde saılanatyn bolsa, onda qaýipsizdikti nyǵaıtý máselelerin belsendi ilgeriletýge nıetti», - dedi QR Prezıdenti.