N. Nazarbaev: Qazaqstan aýyl sharýashylyǵy óndirisinde sapaly serpilis jasaýy shart
ASTANA. 14 jeltoqsan. QazAqparat - Álem azyq-túlik óndirý turǵysynda túbegeıli ózgerister qajettiliginiń aldynda tur. Búgin «Astana Opera» jańa memlekettik opera jáne balet teatrynda Táýelsizdik kýnine arnalǵan saltanatty jıynda Qazaqstan halqyna joldaýynda Elbasy Nursultan Nazarbaev osylaı aıtty.
Jahandyq demografııalyq qaýip-qaterge toqtalǵan Prezıdent, «BUU málimetteri boıynsha jersharyndaǵy adam sany 6-dan 7 mıllıardqa deıin jetý úshin 10 jyldan astam ýaqyt qajet boldy. Ǵasyrdyń ortasynda boljam boıynsha planetanyń halqy taǵy 2 mıllıardqa ósip, 9 mıllıard adamdy quraıtyn bolady», - dedi. Osy oraıda Elbasy bul másele óz kezeginde barshamyz úshin jaýapkershilik júkteıtinin, ıaǵnı osy turǵyda adamdardyń eńbegi, azyq-túlikpen qamtamasyz etý jáne basqa da salalardaǵy qadamdar eskerilýi tıis ekendigin aıtyp ótti.
«Qazaqstanda adamnyń ortasha jasy - 35 jas. Bizdiń jaǵdaıymyzda paıda tabý úshin eńbekpen qamtý, áleýmettik qamtamasyz etý, densaýlyq, otbasyn bekemdeý máselesin josparlaý mańyzdy», - dep túıdi N. Nazarbaev.
Memleket basshysy azyq-túlik qaýipsizdigi máselesine toqtala kele, «búginde álemde 1 mıllıardqa jýyq adam azyq-túlik jetispeýshiligin sezinip otyr. Álem azyq-túlik óndirý turǵysynda túbegeıli ózgerister qajettiliginiń aldynda tur. Qazaqstan aýyl sharýashylyǵy óndirisinde sapaly serpilis jasaýy shart. Ol úshin bizde barlyq múmkindikter bar», - dedi.
