N.Nazarbaev: Qazaqstan aldyn ala áreket etýdiń daǵdarysqa qarsy strategııasyn qoldanýda
ASTANA. QazAqparat - Qazaqstan alǵash ret aldyn ala áreket etýdiń daǵdarysqa qarsy strategııasyn qoldanýda. Bul týraly búgin elordadaǵy Táýelsizdik saraıynda Elbasy Nursultan Nazarbaev Qazaqstan halqyna Joldaýy barysynda málim etti.
«Qazirgi jahandyq daǵdarys bizge kenetten kelgen joq. Men daǵdarystyń jalǵasyp kele jatqanyn, onyń jańa tolqyny bolatynyn birneshe márte aıtqan bolatynmyn. Osy joly Qazaqstan alǵash ret aldyn ala áreket etýdiń daǵdarysqa qarsy strategııasyn qoldanýda»,-dedi Elbasy. Osy oraıda, Prezıdent ındýstrıalyq-ınnovatsııalyq damýdyń ekinshi bes jyldyǵy bastalǵanyn, ıaǵnı shıkizattyq resýrstardan táýelsiz ekonomıka qurylyp jatqanyn atap ótti. Sonymen qatar, ekinshiden, ınfraqurylymdyq damýdyń «Nur jol» memlekettik baǵdarlamasy qabyldandy. Daǵdarysqa qarsy sharalardyń mańyzdy aspektisi ulttyq valıýtanyń erkin baǵamǵa kóshýine baılanysty bolyp otyr. «Úshinshiden, bes ınstıtýtsıonaldyq reformany júzege asyrý boıynsha biz «100 naqty qadam» - Ult josparyn júzege asyrýdamyz. Parlament Ult josparyn zań shyǵarýshylyq qadamdarmen qamtamasyz etý boıynsha jumys isteýde jáne bul turǵyda depýtattarǵa alǵys aıtýymyz kerek. Bul óte qıyn jumys, sebebi osy baǵdarlamany jyldam iske qosý qajet boldy. Osy oraıda 80-ge jýyq zań bar, olardyń kóbisine qol qoıdym. Olar bizdiń josparymyz boıynsha aldaǵy jyldyń 1 qańtarynan bastap jumys isteýdi bastaıdy», - dedi Elbasy.
