N.Nazarbaev «Qazaqfılmge» «Súleımen sultan» sııaqty kınoepopeıa túsirýdi tapsyrdy
ALMATY. QazAqparat - QR Prezıdenti Nursultan Nazarbaev «Qazaqfılm» kınostýdııasyna túriktiń «Súleımen sultan» serıaly tárizdi tarıhı kınoepopeıa túsirýdi tapsyrdy. Bul týraly keshe Almatyda «Eýrazııa» halyqaralyq kınofestıvaliniń ashylýynda qala ákimi Ahmetjan Esimov aıtty.
«Keshe men Memleket basshysymen áńgimelestim. Álemdik aýqymdaǵy jańa dáýirlik lentalar jasaý týraly áńgime boldy. Mysalǵa, Prezıdent qazaqstandyqtardyń «Súleımen sultan» túrik serıalyn qyzyǵa kóretinin atap ótti. Ol «Qazaqfılm» aldyna Jánibek pen Kereı handardan bastap, qazaq halqynyń tarıhyn baıandaıtyn osyndaı dáýirlik lenta jasaý mindetin qoıdy», - dedi ákim.
A.Esimovtiń aıtýynsha, qazir osyndaı kartınany túsiretin talantty rejısserler, stsenarıster, akterler óte kóp jáne kınostýdııada barlyq múmkindikter bar.
