N. Nazarbaev qaı salada el zańnamasyna ózgertýler engiziletindigin aıtty

«Eń aldymen, baǵalaý, kollektorlyq, jeke detektıvtik qyzmet, múgedekter men zardap shekkenderge ótemaqy qory týraly zańnamalyq aktilerdi qabyldaý ınstıtýttyq reformalardy tereńdetý úshin mańyzdy mánge ıe. Halyqaralyq mashyq pen «Nazarbaev Ýnıversıteti» tájirıbesin eskerip, joǵary oqý oryndarynyń akademııalyq, basqarýshylyq derbestigin zańnamalyq turǵyda keńeıtý qajet», - dedi Memleket basshysy.

Sonymen qatar Elbasy jergilikti ózin-ózi basqarý organdarynyń derbes bıýdjeti bóliginde zańnamaǵa qosymshalar qabyldaý qajettigin depýtattardyń qaperine salyp ótti.

«Elektr energetıkasy salasyndaǵy zańnamaǵa birqatar ózgertýler men tolyqtyrýlar kózdelgen. Olar energııa taratý shyǵyndaryn tómendetýdi qamtamasyz etýge baǵyttalǵan. Sáıkesinshe, tutynýshylar úshin onyń quny azaıady. Standarttaý týraly zańnama toptamasy da mańyzǵa ıe», - dedi N.Nazarbaev.