N.Nazarbaev Qashaǵan tóńiregindegi ahýalǵa túsinikteme berdi
Memleket basshysy óz sózinde atalǵan ken ornynan Qazaqstan alǵashqy munaıdy 2014 jyly alýdy josparlaǵandyǵyn eske salyp ótti.
«Qubyrlardyń barlyǵy durys tóselip, kúkirt pen gazdyń bólinýin óńdeý zaýyty iske qosylý tıis edi. Sol sátte sý astyndaǵy jáne sý betindegi qubyrdan jaryqshaq anyqtaldy. Eger jumys jalǵasa bergende iri apat oryn alar edi. Sondyqtan da óndiristi toqtatyp, atalǵan joǵary qysym qubyrlaryn aýystyrý týraly sheshim qabyldadyq. Erekshe tańǵaldyrarlyǵy - olar Japonııada jasalǵan», - dedi Elbasy.
QR Prezıdenti Qashaǵan ken ornyna munaı óndirýdi qaıta qolǵa alý 2015 jyldyń sońynda ne 2016 jyly jandanýy múmkin ekendigin atap ótti.
«Qazirgi ýaqytta kompanııa QazMunaıGazben birlesip, qarqyndy jumys júrgizýde. Qaıta qalpyna keltirý jumystaryna shamamen 2 mlrd. dollardan astam qarjy shyǵyndalady. Osy jyldyń sońynda nemese 2016 jyly munaı óndire bastaımyz degen úmitimiz bar», - dedi QR Prezıdenti.
