N.Nazarbaev: «Internet balalaryna» kedergi keltirmeı, túsinistikpen qaraý kerek

ASTANA. QazAqparat - QR Prezıdenti N.Nazarbaev joǵarǵy býyn ókilderi Internet ǵasyrynda tárbıelengen jastarǵa túsinistikpen qaraý kerek dep sanaıtynyn aıtty.

Elbasy mundaı pikirin Astana ekonomıkalyq forýmy barysynda oǵan qoıylǵan suraqqa jaýap berý kezinde bildirdi.

«Búgin Djek Ma (tanymal qytaılyq mıllıarder - red) 80-shi jyldan beri 2 mlrd. adam ómirge kelgenin aıtyp ótti. Olar - «Internet balalary». Jańa býyn. Joǵarǵy býyn ókilderi Internet ǵasyrynda tárbıelengen jastarǵa túsinistikpen qarap, kedergi keltirmeýi kerek. Bul meniń zamandastarym úshin aýyr syn», - dep atap ótti Memleket basshysy.

Eske sala keteıik, Qazaqstannyń astanasynda kezekti Astana ekonomıkalyq forýmy aıaqtalǵan bolatyn. Oǵan álemniń túkpir-túkpirinen tanymal sarapshylar qatysty. Eki kúnge sozylǵan sharaǵa 80 elden 5000-nan astam delegat qatysty.