N. Nazarbaev emtıhandy «plıýsy bar 5» degen baǵaǵa tapsyrdy - Lıngvıstıkalyq komıssııanyń tóraǵasy
ASTANA. 11 aqpan. QazAqparat /Asqar Bımendın/ - Prezıdenttikke kandıdattardyń memlekettik tildi erkin meńgergendigin anyqtaıtyn lıngvıstıkalyq komıssııanyń tóraǵasy Myrzataı Joldasbekov QazAqparat tilshisine shaǵyn eksklıýzıvti suhbat berip, «Nur Otan» HDP atynan úmitker Nursultan Nazarbaevtyń búgin qazaq tilin qanshalyqty meńgergenin anyqtaýǵa arnalǵan emtıhandy «plıýsy bar 5» degen baǵaǵa tapsyrǵanyn atap ótti.
- Myrzataı Joldasbekuly, eger Nursultan Nazarbaevtyń bilim deńgeıin bes baldyq ólshemmen baǵalaıtyn bolsaq, sizdiń oıyńyzsha Prezıdent emtıhandy qalaı tapsyrdy?
- «Plıýsy bar 5» degen baǵaǵa.
- Ony ózge úmitkerlermen salystyrýǵa bola ma?
- Salystyrý múmkin emes.
- «Nur Otan» partııasynyń atynan tirkelgen úmitkerge qandaı tapsyrmalar berildi?
- Birinshi tapsyrma boıynsha «Álemdik qoǵamdastyqtaǵy Qazaqstan» taqyrybynda shyǵarma jazdy. Ekinshi tapsyrma aıasynda ol Abaıdyń «Qara sózderin» oqyp berdi, al úshinshi tapsyrmada Prezıdent 15 mınýt boıy «Demokratııa men qoǵam» taqyrybynda sóz sóıledi. Ol atalmysh taqyryptyń aýqymyn tereńdetip, saralap bere aldy.
- Úshinshi tapsyrma úmitkerler arasynda eń kúrdeli bolyp sanalady, óıtkeni belgili bir taqyrypta múdirmeı, toqtamaı 15 mınýt boıyna sóıleý ońaı emes ekeni aqıqat. Bul tapsyrmada Nursultan Nazarbaevta qıyndyqtar týyndaǵan joq pa?
- Ol atalmysh tapsyrmany óte joǵary deńgeıde oryndap shyqty.
- Lıngvıstıkalyq komıssııanyń sheshimi QR Ortalyq saılaý komıssııasyna qashan jiberiledi?
- Sheshim Ortalyq saılaý komıssııasyna tapsyryldy, endi olar 5 kún ishinde úmitkerdiń QR Konstıtýtsııasy men «QR saılaý týraly» konstıtýtsııalyq zańynyń talaptaryna saı ekendigi týraly qaýly qabyldaýy tıis.
- Áńgimeńizge rahmet.
