N.Nazarbaev elordaǵa sheteldik ınvestıtsııa tartýdaǵy ákimdik jumysyn synǵa aldy
ASTANA. QazAqparat - Ótken jyly elordaǵa quıylǵan jalpy ınvestıtsııadaǵy sheteldik úles nebári 0,2 paıyzdy qurady. Bul týraly búgin elordany odan ári damytý jónindegi keńeste Elbasy Nursultan Nazarbaev aıtty.
Qala ekonomıkasyndaǵy ınvestıtsııa qurylymyndaǵy jeke kapıtaldyń úlesi jartysyna jýyqtaıdy. Degenmen sheteldik ınvestıtsııa tartý baǵytyndaǵy jumystardyń jetkiliksiz júrgizilip otyrǵandyǵyn atap ótken jón. 2013 jylǵy 540 mlrd. teńge jalpy kólemniń nebári 1,4 mıllıardyn ǵana sheteldik ınvestıtsııa qurady. Bul barlyq ınvestıtsııa kóleminiń 0,2 paıyzy», - dedi Elbasy.
Memleket basshysynyń atap ótýinshe, sheteldik kóptegen kompanııalar Qazaqstan elordasyna ınvestıtsııa quıýǵa daıyn.
«Kóptegen ınvestorlar ınvestıtsııa quıǵylary keledi. Biraq edáýir kedergilerge dýshar bolady. Problema ýchaske berý, jobalardy kelisý, ruqsat alýdan bastalyp, nysandy qabyldaýǵa deıin jalǵasady», dedi N.Nazarbaev.
Osy oraıda QR Prezıdenti ákimdik sheteldik ınvestıtsııa tartýdaǵy kedergilerdi joıýmen aınalysýy qajettigin basa aıtty.
