N.Nazarbaev EQDB prezıdenti S.Chakrabartımen kezdesti
Kezdesý barysynda EQDB-nyń Qazaqstandaǵy qyzmetiniń negizgi baǵyttary qarastyrylyp, budan arǵy perspektıvalyq josparlary aıqyndaldy.
Qazaqstan Prezıdenti Sheteldik ınvestorlar keńesi EQDB-nyń qatysýymen qurylǵanyna nazar aýdardy. Memleket basshysy bıyl banktiń qurylǵanyna jáne bizdiń eldiń Táýelsizdik alǵanyna 25 jyl tolýynyń sımvoldyq máni bar ekenin atap ótti.
- Osy jyldardyń bárinde EQDB respýblıkamyzdyń senimdi seriktesi bolyp keledi. Bizdiń yntymaqtastyǵymyzǵa 20 jyldan asyp barady, mundaı ózara is-qımyldy óte joǵary baǵalaımyz. 2014 jyly yntymaqtastyǵymyzdyń jańa strategııasy qabyldandy, ol asa aýqymdy jumysty qamtıdy, - dedi Memleket basshysy.
S.Chakrabartı EQDB-nyń Sheteldik ınvestorlar keńesin jańadan sheteldik ınvestorlardy tartýdyń jáne bizdiń eldegi reformalardy ilgeriletýdiń tıimdi tetigi retinde qarastyratynyn aıtty.
- Keńes músheleri Sizdiń kóshbasshylyǵyńyzdy joǵary baǵalaıdy. Jalpy, bizdiń seriktes bolǵanymyzǵa 20 jyldan asyp bara jatqanymen, onyń sharyqtaý kezeńi sońǵy jyldarmen tuspa-tus kelip otyr. Sondaı-aq Sizge jáne Sizdiń eldiń úkimetine bıyl EQDB prezıdenti qyzmetine qaıtadan usynylǵan meniń kandıdatýramdy qoldaǵandaryńyz úshin alǵys aıtamyn. Bul yntymaqtastyǵymyzdy jalǵastyrý úshin taǵy 4 jylǵa múmkindik beredi, - dedi Eýropa qaıta qurý jáne damý bankiniń prezıdenti.
S.Chakrabartı bizdiń eldiń agroónerkásip keshenin damytý salasynda qol jetkizilgen ózara is-qımyldyń deńgeıi joǵary ekenin atap ótti. Sondaı-aq ol EQDB qyzmeti úshin «Astana» halyqaralyq qarjy ortalyǵynyń qurylýynyń mańyzdylyǵyn aıtty jáne elimizdegi jekeshelendirý úderisine de qyzyǵýshylyq bildirdi.
