N. Nazarbaev: Byltyrdyń ózinde memlekettik organdarǵa halyqtan 22 mln. hat kelip túsken
ASTANA. 17 qazan. QazAqparat - Byltyrdyń ózinde el azamattary memlekettik organdarǵa 22 mln. hat túsirdi. Búgin Astanadaǵy «Qazmedıa» ortalyǵynda «A» basqarýshy korpýsy memlekettik qyzmetshilerimen keńes ótkizgen Elbasy Nursultan Nazarbaev osylaı málim etti.
«Sońǵy 3 jyldaǵy zertteýler memlekettik organdarda birqatar kemshilikterdiń oryn alǵanyn kórsetip otyr. Bular: qyzmet sapasynyń tómendigi, qyzmetterdiń, jumys ýaqytynyń júıesizdigi, óte úlken qaǵazbastylyq. Tek byltyrdyń ózinde ǵana el azamattary memlekettik organdarǵa 22 mln. hat túsirdi. Halqymyzdyń sany 17 mln. al kelip túsken hat 22 mln. bolyp otyr. Memlekettik baǵdarlamany iske asyrý 80 paıyz, al bıýdjet qarjysynyń ıgerilýi 98 paıyz. Aıyrmashylyq qandaı?», - dedi N. Nazarbaev.
Osyǵan oraı, Elbasy bundaı olqylyqty joıý jańa korpýstyń da mindeti ekenin atap ótti. «A» korpýsy memlekettik basqarýdyń, qarajatty ıgerýdiń tıimdi joldaryn izdeýi kerek», - dedi N. Nazarbaev.
