N.Nazarbaev BUU BA 70-shi sessııasyna qatysýshylardy Qazaqstannyń 2017-2018 jyldarda BUU Qaýipsizdik Keńesiniń turaqty emes músheligine kandıdatýrasyn qoldaýǵa shaqyrdy
«Birikken Ulttar Uıymynyń qoldaýymen «Jańa Bolashaq» (NEW FUTURE) tujyrymdamasyn ázirleý Jahandyq Strategııalyq Bastama - 2045 josparyn júzege asyrýdyń alǵashqy qadamy bolar edi. Birikken Ulttar Uıymynyń qurylǵanyna 70 jyl ótkennen keıingi adamzat damýyndaǵy jańa kezeńniń mindetterin naqty aıqyndaý qajet. NEW FUTURE degenimiz - ıadrolyq, energetıkalyq, sý jáne azyq-túlik qaýipsizdigi, senim, ózara túsinistik jáne reformalar», - dedi N.Nazarbaev.
Memleket basshysy óz sózinde Qazaqstan Eýrazııa óńirindegi qaqtyǵysýshy taraptardy bitistirý úshin araaǵaıyndyq jasaýǵa kúsh salyp keledi jáne kúsh sala beretindigin basa aıtty.
«Atalǵan baǵyttar men qaǵıdattar Qazaqstannyń 2017-2018 jyldarda Birikken Ulttar Uıymy Qaýipsizdik Keńesiniń turaqty emes músheligine saılaný naýqanyna arqaý bolyp otyr. 70-inshi sessııaǵa qatysýshylardyń barlyǵyn bizdiń elimizdiń kandıdatýrasyn qoldaýǵa shaqyramyn», - dedi QR Prezıdenti.
