N. Nazarbaev - búkilálemdik deńgeıge kóterilgen, ózge memleket basshylary moıyndaǵan, sańlaq saıasatker, iri qaıratker - R. Halmuradov

Búgin QR Parlamenti Májilisiniń jalpy otyrysynda «Qazaqstan Respýblıkasynyń Konstıtýtsııasyna ózgeris engizý máselesi boıynsha QR Prezıdentiniń respýblıkalyq referendým taǵaıyndaýy týraly» máseleni talqylaý barysynda depýtat Rozaqul Halmuradov osylaı málim etti.

«Ǵasyrlar boıy arman bolyp kelgen Táýelsizdikke bir oq atpaı, qan tókpeı jetkenimiz, Qazaqstanda turatyn 140-taı etnos ókilderin qazaqtyń qasıetti de berekeli shańyraǵynyń astynda yntymaq pen birlikte toptasýy, memleket qurýda eýropalyq standarttarǵa saı kelip onyń tórine shyǵýymyz, álem saıasatkerleri «Qazaqstan trıýmfi» dep ataǵan EQYU sammıti, taǵy taǵyda basqa jetistikterimiz Tuńǵysh Prezıdent - Elbasy N. Nazarbaevtyń sarabdal saıasatynyń, kóregendiginiń, danalyǵynyń arqasynda boldy. Jaqsylyqty Táńirden tilegen halqymyzdyń Tólbasy degen bir áspetti yrymy bar. Ne nárseniń bolsa da bastaýy sátti bolsa, ol baıandy bolady dep jorıdy halqymyz. Osy oraıda N. Nazarbaevtyń Táýelsizdik jolynda atqaryp jatqan qajyrly isterine, qazaq eliniń az ýaqyt ishinde qol jetkizgen jetistikterine, ýaqyt somdaǵan qaıratkerlik tulǵasyna, álem aldyndaǵy bedeline maqtanyshpen zer sala otyryp, halqymyzdyń el bolashaǵyna degen senimi artýda. Tizgin tegeýrindi qolda, táýelsizdik kóshi durys jolda ekenine el senimi berik. N. Nazarbaev - búkilálemdik deńgeıge kóterilgen, ózge memleket basshylary moıyndaǵan, sańlaq saıasatker, iri qaıratker»,- dedi R. Halmuradov.