N.Nazarbaev: «Bolashaq» túlekteri - Qazaqstannyń eń qıyn zamanynda kapıtalyna quıǵan úlken ınvestıtsııasy
Qazirgi tańda «Bolashaq» túlekteri elimizde basqarýdyń alǵy shebinde turǵanyn basa aıtqan Elbasy: «Sizderdiń bilimderińiz bizdiń shynaıy jetistigimizdiń birine aınaldy. Qazaqta «Ne ekseń, sony orasyń» degen sóz bar. Biz sizderdi bolashaq úshin ektik. «Bolashaq» túlekteri Qazaqstannyń eń qıyn zamanynda kapıtalyna quıǵan úlken ınvestıtsııasy bolyp tabylady. «Bolashaq» stıpendıattary, sizder - eldiń bolashaǵysyzdar. Máńgilik el bolý degen aldymyzǵa murat qoıdyq. Sol jolda jumys isteıtin sizder bolasyzdar. Bul uly maqsat qoıý, uly maqsatqa jetý - tek qana uly halyqtyń qolynan keletin is. Biz ózimizdi uly halyqpyz dep sanaıtyn bolsaq, ulylyqqa jetemiz», - dedi.
Qazaq eli kóz tikken asqar asýlarǵa jetý úshin bilim kerektigin de basa aıtqan Memleket basshysy: «Bıik belesterdi baǵyndyrý senderdiń biliktilikterińdi talap etedi. Búkil el senim artyp, sizderdi jiberdi, oqytty. Ol senimdi ıgilikpen aqtaý sizder úshin uly paryz bolyp tabylady. Sol uly paryzdyń shyńyna shyǵasyzdar dep senemin», - dedi.
