N. Nazarbaev: Birlik - bizdiń qasıetti týymyz

ASTANA. QazAqparat - Elbasynyń el birligine erekshe kóńil bóletinin jurtshylyq jaqsy biledi. Onyń kóp aldynda sóılegen kezde eń jıi aýyzǵa alatyny da bereke-birlikti saqtaý máselesi ekeni barshaǵa málim. Bul rette Memleket basshysynyń ár kezderi aıtqan, búginde qanatty sózge aınalyp ketken san alýan taqyryptaǵy oralymdy oı, paıymdy pikirleri jetkilikti.

Erteńgi ulyq mereke - Qazaqstan halqynyń birligi kúni qarsańynda Aqordanyń Feısbýktegi paraqshasynda Elbasy Nursultan Nazarbaevtyń el birligi jónindegi naqyl sózderiniń toptamasy jarııalandy:

***
Birlik, yntymaq, sabyrlylyq pen parasattylyq, eń aldymen, ózimizge - qazaqtarǵa kerek.

***
Birlik - bizdiń qasıetti týymyz.

***
Údeýdiń syry - birlikte.
Júdeýdiń syry - alaýyzdyqta.

***
Baq ta, taq ta talasqanǵa buıyrmaıdy, halyqtyq iste jarasqanǵa buıyrady.

***
Bizdiń babalarymyz tiri bolýy úshin bir bolǵan, biz iri bolý úshin bir bolýymyz kerek.

***
Tek birlesip qana, búkil halyqtyń kúsh-jigerin biriktirip qana biz alǵa basa alamyz.

***
Egerde halyqtyń birligi bolmasa, otansúıgishtik janqııarlyǵy bolmasa, bul jer, qazaq degen halyq, Qazaqstan degen táýelsiz el de bolmas edi.

***
Birligi berekeli, tirligi merekeli, yntymaǵy jarasqan eldiń ǵana yrysy men tabysy mol bolmaq.

***
El birligi - eń asyl qasıet.

***
Qazaqty esh ýaqytta syrttan jaý alǵan emes, ala alǵan emes, qazaq álsirese - alaýyzdyqtan álsiregen, kúsheıse - birlikten kúsheıgen.

***
Qazaq ózimen-ózi tatý bolmaı, ózgemen eshqashan tatý bola almaıdy.