N. Nazarbaev barsha Qazaqstan halqyn Otan qorǵaýshy kúnimen quttyqtady
ASTANA. 6 mamyr. QazAqparat - Búgin Aqordada Memleket basshysy Nursultan Nazarbaev elimizdiń birqatar áskerı jáne quqyq qorǵaý organdary qyzmetkerlerine memlekettik nagradalardy tapsyrý kezinde barsha Qazaqstan halqyn Otan qorǵaýshy kúnimen quttyqtady.
«Qurmetti ofıtser myrzalar! Men sizderdi osy nagradalarmen quttyqtaımyn. Atap aıtqanda, ózderińizdiń Otanǵa degen eńbekterińizben jáne qyzmetterińizben osy marapatqa laıyqty bolyp otyrsyzdar. Bizdiń eldiń azamattarynyń tynyshtyǵyn qorǵap jáne áskerdiń tıisti bólimderinde, arnaıy qyzmetter men quqyq organdarynda qyzmet ete otyryp, osyndaı joǵary mártebege laıyqtysyzdar»,-dedi Memleket basshysy.
Osy oraıda Prezıdent búgin nagrada tapsyrylǵan azamattar budan ári de Otanǵa berilip, otansúıgishtikpen qyzmet etetindikterine senim artty.
«Sizder ózderińizdi bul qyzmetke, ıaǵnı pogon taǵyp ómir súrip, jumys isteýge arnadyńyzdar. Men sizderge myqty densaýlyq, uzaq ómir, qyzmette tabys, otbasylaryńyzǵa amandyq tileımin. Barshańyzdy Otan qorǵaýshy kúnimen quttyqtaımyn!»,-dedi N. Nazarbaev.
