N. Nazarbaev barsha Qazaqstan halqyn eldiń taǵdyryna jaýapkershilikpen qaraýǵa shaqyrdy
ASTANA. QazAqparat - Saılaý Qazaqstandy damýdyń jańa mejesine shyǵarýǵa kómektesedi. Búgin QR Parlamenti Májilisi depýtattarynyń merziminen buryn saılaýyn taǵaıyndaýǵa oraı Qazaqstan halqyna úndeý arnaǵan Elbasy Nursultan Nazarbaev osylaı málim etti.
Elbasy barsha qazaqstandyqtardy, qoǵamnyń barsha áleýmettik toptaryn ýaqyt talabyna oraı jasalyp otyrǵan sheshimdi qoldaýǵa shaqyratynyn aıta kele, «Barshalaryńyzdy saılaýǵa belsendi qatysýǵa jáne elimizdiń bolashaǵy úshin bizdiń yntymaǵymyz ben birligimizdi taǵy da kórsetýge shaqyramyn», - dedi Elbasy.
Osy oraıda Prezıdent Konstıtýtsııanyń kepilgeri retinde Ortalyq saılaý komıssııasyna jáne barlyq ýákiletti memlekettik organdarǵa aldaǵy saılaýdyń zańdylyǵyn, ashyqtyǵyn jáne ádildigin qamtamasyz etýdi tapsyrdy. Sonymen qatar Memleket basshysy saılaý naýqany men saılaý qıyn kezeńde ultty nyǵaıtýǵa jáne Qazaqstandy damýdyń jańa mejesine shyǵarýǵa kómektesetinine senim artty.
«Barshamyzda ortaq bir maqsat bar - ol eldiń amandyǵy. Biz barshamyz Qazaqstannyń gúldenýine eńbek etip, kúsh-jigerimizdi salýdamyz. Birlese otyryp qazirgi ýaqyttaǵy qıyndyqtardy eńsere alamyz. Barsha qazaqstandyqtardy, saıası partııalardy bizdiń ortaq shańyraǵymyzdyń taǵdyryna jaýapkershilikpen qarap, bizdiń patrıotızmdi nyǵaıtýǵa shaqyramyn. Táýelsizdiktiń 25 jyldyq mereıtoıyn birlikpen jáne yntymaqtyqpen qarsy alatynymyzǵa senimdimin. Aldymyzda turǵan maqsattar aıqyn, osy oraıda olardy sheshýge kirisý qajet», - dep túıdi N. Nazarbaev.
