N.Nazarbaev Astananyń 15 jyldyǵy qurmetine elordalyqtar men qonaqtarǵa Prezıdenttik alyp tort syılaıdy
ASTANA. 20 mamyr. QazAqparat - Táttini úlkender de, balalar da jaqsy kóretini jasyryn emes.
Ásirese, mereke táttisiz ótpeıdi. Ádemi tort kez kelgen merekelik dastarhannyń sánin keltireri sózsiz.
«Elordanyń 15 jyldyq mereıtoıy da osy basty merekelik táttisiz bolmaq emes. Qala kúni aıasynda rekordtyq kólemde tort pisirilmek. Odan eshkim de dám tatpaı ketpeýi kerek», - deıdi uıymdastyrýshylar.
Astana kúninde «Han Shatyr» saýda, oıyn-saýyq ortalyǵynda Qazaqstan Respýblıkasynyń Prezıdenti Nursultan Nazarbaevtyń atynan tort tartý etý saltanaty ótedi. Sol arqyly elordanyń bas sáýletshisi bolyp tabylatyn Elbasy qala turǵyndary men qonaqtaryn quttyqtaıdy.
Sonymen qatar, Astana qalasynyń resmı saıtynyń habarlaýynsha, elordalyqtar aýqymdy merekelik torttyń dámin basqa da oıyn-saýyq ortalyqtarynan tata alady. Osy jerde balalar men qalanyń shyǵarmashylyq ujymdarynyń qatysýymen kontserttik baǵdarlamany da tamashalaýǵa bolady.
