N.Nazarbaev: Astana taǵdyry - eki ǵasyr shebinen batyl attaǵan barlyq qazaqstandyqtardyń taǵdyry

Bul pikirdi QR Prezıdenti Nursultan Nazarbaev búgin baspasózde jaryq kórgen «Astana - Qazaqstannyń uly dáýiri jáne strategııalyq vektory» degen taqyryptaǵy maqalasynda bildiredi.

Memleket basshysynyń atap ótýinshe, qazir Astana óziniń qonaqtaryn qala bet-bederiniń ásemdigimen jáne arhıtektýralyq sheshimderiniń batyldyǵymen, turǵyndarynyń jylyshyraılylyǵymen jáne qonaqjaılyǵymen tańǵaldyrady. Qalanyń ózgergeni sonshalyqty, ony keıde tipti osynda bir kezderi turǵandar nemese basqa dáýirde bolǵandar da tanymaı qalady.

«Keıde bizdiń elordamyzdy jańa Qazaqstannyń betki beınesi dep te ataıdy. Men munymen múldem kelispeımin. Bizdiń elordamyzda jasandy eshteńe joq, óıtkeni, jańa Qazaqstan degenimizdiń ózi osy. Astana taǵdyry - eki ǵasyr shebinen batyl attaǵan barlyq qazaqstandyqtardyń taǵdyry. Bul - belgisiz, ydyraǵan sýperderjavanyń qıyr shetinde jatqan eshkim tanymaıtyn respýblıkadan búginde jahandyq qoǵamdastyqta bári biletin jáne qurmetteıtin serpindi zamanaýı memleketke deıingi Úlken joldan ótken táýelsiz Qazaqstannyń taǵdyry», - dep jazady QR Prezıdenti óz maqalasynda.