N. Nazarbaev ardagerler uımdarynyń bastamalaryn únemi qoldaıdy - Ó. Ozǵanbaev

ASTANA. QazAqparat - Astanada Qazaqstan Ortalyq ardagerler keńesiniń tóraǵasy, akademık Ómirzaq Ozǵanbaevpen kezdesý ótti, dep habarlady QR ІІM kóliktegi ІІD baspasóz qyzmetinen.

Búgin QR ІІM kóliktegi ІІD akti zalynda Qazaqstan Ortalyq ardagerler keńesiniń tóraǵasy, tehnıka ǵylymdarynyń doktory, akademık Ómirzaq Ozǵanbaevpen kezdesý ótti. Jıynǵa departamenttiń basshylyǵy men jeke quramy qatysty.

Kezdesýdi qurmetti qonaqtardyń tizimin ataǵankóliktegi ІІD bastyǵy, polıtsııa polkovnıgi Ahan Qajykenov ashty.

Ó. Ozǵanbaev Qazaq handyǵynyń 550-jyldyǵyna, Uly Otan soǵysynyń 70-jyldyǵyna, Konstıtýtsııa men Qazaqstan halqy Assambleıasynyń qurylǵanyna 20-jyl tolýyna daıyndyq barysyn áńgimeledi. Aldaǵy Uly Otan soǵysy jeńisiniń mereıtoıyna daıyndyq jospardyń erekshe tarmaǵy ekenin atap ótti.

Ol jınalǵan qaýymdy soǵys batyrlaryn eske alýǵa, máńgilik este saqtaýǵa shaqyrdy.

Sondaı-aq Qazaqstanda ardagerlerge basa nazar aýdarylatyndyǵyna - zeınetaqy ósip, syılyqtar berilip, olardyń emdelýi men demalýy úshin jaǵdaılar jasalyp jatqanyna toqtalyp ótti. Memleket basshysy N. Nazarbaev ardagerler uıymynyń bastamalaryn únemi qoldap, úlken túsinistikpen qaraıtynyn basa aıtty.