N.Nazarbaev Almaty «aportyn» qaıta órkendetýde kózge kórinetin jumystardyń joqtyǵyna kóńili tolmaıtyndyǵyn jetkizdi
ASTANA. 12 mamyr. QazAqparat - Memleket basshysy Nursultan Nazarbaev «Aport» sortynyń almalaryn qaıta ósirý máselesi boıynsha kózge kórinerlik jumystardyń atqarylmaǵanyna kóńili tolmady,
osyǵan baılanysty Almaty jáne Almaty oblysy ákimderine alma baqtaryn salý máselesimen aınalysý qajet degen mindet qoıdy, dep habarlaıdy Almatydaǵy keńes qorytyndysy boıynsha Prezıdenttiń baspasóz qyzmeti.
«Men Úkimetke, mınıstrlikke, oblys ákimdigine «Aport» sortynyń almalaryn qaıta órkendetý boıynsha tapsyrma bergen bolatynmyn, alaıda kózge kórinerlik ilgerileýshilik joq. Birdeńeler jasalyp jatqan sııaqty. Egistik aýmaqtary keńeıdi. Almaty jáne Almaty oblysy ákimderine alma baqtaryn salý máselesimen júıeli túrde aınalysý qajet. Aýyl sharýshylyǵy mınıstrligi óziniń damý jáne ǵylymı ınstıtýttarymen birlese otyryp, osy jumysqa qoldaý bildirýdi qamtamasyz etýi kerek», - dep atap ótti Prezıdent.
