N.Nazarbaev: Álemdik ekonomıkalyq daǵdarysqa geosaıası teketires qosylyp otyr
ASTANA. QazAqparat - Álemdik ekonomıkalyq daǵdarysqa geosaıası teketires qosylyp otyr. Bul týraly búgin Aqordada ótip jatqan QR Úkimetiniń keńeıtilgen quramdaǵy otyrysynda Elbasy Nursultan Nazarbaev aıtty.
Otyrysty ashqan QR Prezıdenti búgingi kezdesý Úkimettiń keńeıtilgen otyrysy bolyp sanalatyndyǵyn, jıynǵa Úkimet múshelerimen birge jergilikti ákimder, basqa da vedomstvo basshylary qatysyp otyrǵanyn atap ótti.
«Byltyrǵy jyldyń qorytyndysyn aıtqanbyz, barlyqtaryńyzǵa belgili. Jalpy alǵanda dúnıedegi daǵdarysqa qaramaı Qazaqstannyń ekonomıkasy 4 paıyzdan artyqqa ósti. Basqa da sharalardy qoldandyq. Qazir, minekı, dúnıejúzilik ekonomıka qıyn-qystaý jaǵdaıǵa tap bolyp otyrǵanyn ózderińiz kórip otyrsyzdar», - dedi Memleket basshysy.
Elbasy óz sózinde ekonomıkalyq daǵdarysqa geosaıası teketirestiń de qosylyp otyrǵanyn basa atap ótti.
«Sonyń saldarynan álemdik naryq belgisizdik jaǵdaıǵa tap boldy. Bul álem halyqtarynyń ajyramas bóligi retinde Qazaqstanǵa da yqpalyn tıgizedi», - dedi QR Prezıdenti.
