N.Nazarbaev álem elderin lańkestikti beıbitshilik súıgish ıslammen teńestirýge jol bermeýge shaqyrdy
ASTANA. QazAqparat - Álem elderi lańkestikti beıbitshilik súıgish ıslammen teńestirýge jol bermeýi qajet. Bul týraly búgin Aqordada Qazaqstanda tirkelgen sheteldik dıplomatııalyq mıssııalar basshylarymen kezdesý barysynda QR Prezıdenti Nursultan Nazarbaev aıtty.
«Men lańkestikti beıbitshilik súıgish ıslammen jáne basqa da dindermen teńestirýge jol berilmeýi tıistigin birneshe márte atap óttim. Bizdiń bastamamyzben aǵymdaǵy jyldyń mamyrynda BUU Bas Assambleıasynyń sessııasynda «Din men álem» taqyrybyndaǵy joǵary deńgeıdegi suhbattastyq ótkiziletin bolady»,- dedi QR Prezıdenti.
Osy rette N.Nazarbaev barlyq elderdi atalǵan forýmǵa qatysyp, lańkestik pen ekstremızmge, dindi jahandyq zulymdyqty tasalaý úshin paıdalanýǵa birigip qarsy turýǵa shaqyrdy.
