N.Nazarbaev álem boıynsha offshorlarda 40 trln dollar jatqanyn aıtty
ASTANA. QazAqparat - Álemdik sarapshylardyń baǵalaýynsha, offshorlyq shottarda 30-40 trln dollar jatyr. Búgin Astana ekonomıkalyq forýmynyń jalpy otyrysynda QR Prezıdenti Nursultan Nazarbaev osylaı málim etti.
«Búginde álemdik sarapshylardyń baǵalaýynsha, offshorlyq shottarda 30-40 trln dollar jatyr eken. Osy aktıvterdiń tym bolmaǵanda bir paıyzyn jumsaǵanda, damýshy elderdegi bilim berý men densaýlyq saqtaý salalary jańa jaqsy deńgeıge kóteriler edi», - dedi Elbasy N.Nazarbaev.
Qazaqstan Prezıdenti Halyqaralyq valıýta qory men dúnıejúzilik bank jahandyq ekonomıkany offshordan aryltý jóninde tıimdi ońtaılandyrý sharalaryn usyna alatynyna senim bildirdi.
