N. Nazarbaev: Alda bizdi kóptegen aýqymdy sharalar kútip tur
dep habarlaıdy QazAqaparat.
«Alda bizdi kóptegen aýqymdy sharalar kútip tur. Biz bıyl kúlli adamzat balasyn dúr silkindirgen ekinshi Dúnıejúzilik soǵystaǵy Uly Jeńistiń 65 jyldyǵyn atap ótemiz. Osylaısha, erlikke taǵzym etip, tarıhqa qurmet kórsetemiz»,- dedi Prezıdent.
Sonymen qatar Qazaqstan Konstıtýtsııasynyń 15 jyldyǵy merekelenetinine toqtalǵan Elbasy, «Táýelsizdigimizdiń berik dińgegine aınalǵan Ata zańymyzdy ulyqtaý arqyly biz egemen elimizdiń eńsesin kóterip, ulysty uıystyra túsemiz», dedi.
«Mine aldaǵy jyly biz Táýelsizdiktiń 20 jyldyǵyn toılaıyq dep otyrmyz. Tarlan tarıh úshin tym qysqa bolyp esepteletin osy jyldar aralyǵynda naýryz shyn máninde, Ulystyń Uly kúnine, memleketimizdiń mereıli merekesine aınaldy»,-dep atap ótti Elbasy.
Qazaqstannyń basty baılyǵy - bereke, birligi jarasqan halqy, dep toqtalǵan Memleket basshysy, «Osy yntymaǵymyz arqyly, ortaq Otanymyzdyń irgesinde izgilik uıalap, tórinde tatýlyq ornaǵan jeruıyq ólkege aınaldyq», dedi.
