N.Nazarbaev: Aqtóbedegi lańkestikti salafızmdi ustanýshylar jasady

ASTANA. QazAqparat - Astanada Memleket basshysy Nursultan Nazarbaevtyń tóraǵalyǵymen Qaýipsizdik keńesiniń otyrysy ótti, dep habarlady Aqordanyń baspasóz qyzmetinen.

«Biz munyń dástúrli emes salafızm dinı aǵymyn ustanýshylar tobynyń lańkestik shabýyly ekendigin bilemiz. Respýblıkadaǵy dinı nanym-senim bostandyǵyna qamtamasyz ete otyryp, biz sonymen birge dinı urandy jamyla otyryp, eldegi ahýaldy shatqaıaqtatýǵa tyrysatyndarǵa batyl jaýap qatýǵa nıettimiz», - dedi Memleket basshysy.

Nursultan Nazarbaev lańkesterdiń josparyna qaramastan beıbit turǵyndar arasynda ólim-jitimniń kóp bolýyna jol berilmegendigine basa nazar aýdardy.

«Kúsh-qýat qurylymdarynyń is-qımyly barlyq derlik qylmyskerlerdiń kózin joıýǵa múmkindik berdi. Olardyń keıbireýleri izdeýde. Menińshe, bizdiń quqyq qorǵaý organdary barlyǵyn da taýyp, olar sáıkesinshe jaza alatyn bolady. Lańkestik akt qoǵamnyń kóńil-kúıin buzdy, halyq tabandy is-qımyldardy kúte otyryp, olardy ádil túrde aıyptaıdy», - dedi Qazaqstan Prezıdenti.

Osyǵan oraı Memleket bsshysy ulttyq qaýipsizdikti qamtmasy zetýge baǵyttalǵan strategııalyq jáne júıeli sıpatqa ıe birqatar naqty tapsyrmalar berdi.