N.Mandela 4,1 mln. dollarǵa ósıet qaldyrdy
ASTANA. QazAqparat - Ońtústik Afrıka Respýblıkasynyń burynǵy prezıdenti Nelson Mandela óziniń 46 mln. rand (4,1 mln. dollar) dáýletin otbasy múshelerine, óziniń «Afrıka ulttyq kongresi» partııasynyń basqarmasyna, burynǵy qyzmetkerlerine jáne birneshe mektepterge bólýge ósıet qaldyrdy, dep habarlady RBK Reuters agenttigine silteme jasap.
Afrıkandyq kóshbasshysynyń 40-bettik ósıeti búgin Ońtústik Afrıka Respýblıkasynyń sotynda jarııa oqyldy. Baspasóz máslıhaty kezinde sot orynbasary ósıet etilgen mura afrıkandyq kóshbasshy tiri kezinde negizdegen úsh qorǵa bólinetinin habarlady. N.Mandela qorynyń burynǵy qyzmetkerleri 50 myń randtan alady. Birneshe jergilikti oqý oryndaryna 100 myń randtan beriledi. N.Mandelanyń otbasy qoryna jáne eks-prezıdenttiń ózi múshe bolǵan OAR-daǵy «Afrıkandyq ulttyq kongress» bıleýshi partııasyna 1,5 mln. randtan beriledi.
Muranyń bólinýin N.Mandelanyń otbasy músheleri maquldady jáne úlesterge qatysty eshqandaı shaǵym túsken joq. N.Mandelanyń úshinshi (sońǵy) áıeli Grasha Mashel ósıet boıynsha ózine tıesili qarjydan múldem bas tartty. N.Mandelanyń ósıetin jarııalaýǵa baılanysty afrıkandyq kóshbasynyń úlken otbasynda ishki kıkiljiń bolýy múmkin degen sebeppen advokattar qujatty jarııa oqýdy talap etken bolatyn. OAR eks-prezıdentiniń nemereleri men shóbereleri ataqty atalarynyń esimin ózderiniń bıznesterine paıdalanýda. Dúnıeden ótken afrıkandyq kóshbasshynyń artynda 30 balasy, nemeresi jáne shóberesi qaldy.
.
