N. Madýro N. Nazarbaevty Qazaqstan Prezızdenti laýazymyna qaıta saılanýymen quttyqtady
ASTANA. QazAqparat - Nursultan Nazarbaevtyń atyna onyń Qazaqstan Respýblıkasy Prezıdenti bolyp saılanýyna baılanysty Venesýela Prezıdenti Nıkolas Madýronyń quttyqtaý jedelhaty kelip tústi.
Bul týraly Aqordanyń baspasóz qyzmetinen habarlandy.
Nıkolas Madýro Venesýela Úkimetiniń jáne jeke óziniń atynan Nursultan Nazarbaevty Qazaqstan Respýblıkasynyń Prezızdenti laýazymyna qaıta saılanýymen quttyqtady.
«Venesýela Bolıvarıandyq Respýblıkasynyń halqy men Úkimeti Ortalyq Azııa halyqtarymen, ásirese Qazaqstan Respýblıkasymen kóppolıarly jáne kóportalyqty álemdik tártip qurý baǵytyndaǵy birlesken jumysty jalǵastyrý úshin nıettes ekenin bildiredi», - delingen jedelhatta.
