N.Qapparov Kıoto hattamasy is-qımylynyń ekinshi kezeńin jyl sońynda ratıfıkatsııalaýdy usyndy
ASTANA. 11 maýsym. QazAqparat - QR Qorshaǵan ortany qorǵaý mınıstrligi Kıoto hattamasy is-qımylynyń ekinshi kezeńin jyl sońynda ratıfıkatsııalaýdy usynady.
Bul týraly búgin QR Úkimetiniń selektorlyq rejimdegi otyrysynda bıylǵy jyldyń basynda iske qosylǵan parnıktik gazdar shyǵaryndylaryna kvotalardy satýdyń Ulttyq júıesiniń aralyq nátıjeleri jaıynda baıandaǵan atalǵan vedomstvo basshysy Nurlan Qapparov málim etti.
Bul saladaǵy Qazaqstannyń halyqaralyq mindettemelerine toqtalǵan ol: «Qazirgi ýaqytta Kıoto hattamasy is-qımylynyń ekinshi kezeńi týraly sheshim qabyldandy, bul 2013-2020 jyldar. Ekinshi esepti kezeńde Qazaqstanǵa 1990 jylǵy deńgeıge qaraǵanda parnıkti gazdar shyǵaryndylaryn shekteý jáne 95 paıyz deńgeıinde qysqartý syndy birqatar mindettemeler bekitilgen. Bul mindettemeler kúshine engen joq, óıtkeni ratıfıkatsııalaýdy qajet etedi», - dedi.
N.Qapparovtyń atap ótýinshe, mınıstrlik atalǵan túzetýlerdi ratıfıkatsııalaý týraly sheshimdi aǵymdaǵy jyldyń sońynda Varshavada ótetin taraptar konferentsııasynan keıin qabyldaýdy usynady. Óıtkeni atalǵan alqaly jıynda qarastyrýdy talap etetin birqatar jaıttar bar.
