N. Qapparov: Qazaqstandaǵy 8 sý basseıniniń jeteýi - transshekaralyq
ASTANA. 14 tamyz. QazAqparat - 14-15 tamyz kúnderi Astana qalasynda QR Qorshaǵan ortany qorǵaý mınıstrligi men
«Jasyl Akademııa» ǵylymı bilim berý ortalyǵy birlesip Sý resýrstary komıtetiniń basqarmalary men basseın ınspektsııalarynyń basshylary jáne mamandary úshin «Sý resýrstaryn basqarý: is-qımyldyń «jasyl» stsenarııi» taqyrybynda semınar-trenıng ótkizedi.
«Memleket basshysy Nursutan Nazarbaev «Qazaqstan - 2050» Strategııasynda 2020 jylǵa deıin halyqty taza aýyz sýmen, al 2040 jylǵa deıin aýyl sharýashylyǵyn turaqty sharýashylyq sýmen tolyq qamtamasyz etý boıynsha kókeıkesti problemalardy sheshý jóninde mindetter qoıdy. Osyǵan sáıkes qabyldanǵan Tujyrymdama sý tapshylyǵy bar ekonomıkadan sý resýrstaryn tıimdi paıdalanatyn ekonomıkaǵa kóshýdi kózdeıdi», - dep atap ótti semınarǵa qatysýshalardyń aldynda sóz sóılegen QR Qorshaǵan ortany qorǵaý mınıstri Nurlan Qapparov.
Onyń aıtýynsha, elimizdegi sý resýrstaryn tıimdi paıdalanýǵa arnalǵan is-sharalardy júzege asyrý úshin jyl saıyn 0,5-1 mlrd. AQSh dollary qajet eken. Onyń ústine jyl saıyn transshekaralyq sýlardy paıdalaný máseleleri de kóbeıip keledi.
«Elimizdegi 8 sý basseıniniń 7-eýi transshekaralyq bolyp sanalady. Olar Reseı, Qytaı, Ózbekstan, Qyrǵyzstan elderinen aǵyp keledi. Osyndaı basseınderdiń aınalasyndaǵy básekelestik jyldan-jylǵa kúsheıe túsýde. Ásirese, ońtústik aımaqtardaǵy jaǵdaı osy óńirlerdi sýmen qamtamasyz etý máselelerin kúrdelendire túsýde. Mundaı jaǵymsyz stsenarıılerden tek áriptestik qarym-qatynas pen bilikti basqarýshylyq arqyly ǵana qutylýǵa bolady», - dep atap ótti mınıstr.
Eki kúnge sozylatyn semınarda tyńdaýshylarǵa memlekettik organdar, Dúnıejúzilik bank, BUU DB, «QazMunaıGaz» UK jáne taǵy da basqa mekemeler ókilderi baıandamalar jasap, sý problemalaryn sheshýdiń halyqaralyq jáne otandyq tájirıbesiniń qyr-syryn úıretedi.
