N.Gorbýnov: «Qazaqstanda ultaralyq dúrdarazdyqtyń bolýy múmkin emes»
Búgin Qazaqstan halqynyń birligi kúni merekesine oraı, «Alef» Evreı mádenı-aǵartý jáne qoǵamdyq-saıası qoǵam» basshysynyń orynbasary Nıkolaı Gorbýnov osylaı aıtty, dep habarlaıdy QazAqparat nurotan.kz saıtyna silteme jasap.
«Ózge eldermen salystyryp qarasaq, bizde turaqtylyq ornaǵan. Ózge elderdegi dıasporalardyń ókilderimen bolatyn áńgimeden soń búginde bizdiń elde ultaralyq dúrdarazdyqtyń bolýy múmkin emes ekenin jaqsy túsinemiz. Eshbir ultqa kemsitýshilik joq. Ózge elderdegideı bizde eshkim ulttyq nemese konfessııalyq sıpatta kiná taqpaıdy, sebebi ózara túsinistik pen ózara syılastyq ornaǵan», - dedi Nıkolaı Gorbýnov.
Onyń aıtýynsha, búginde jalpy respýblıkada ultaralyq kelisimge qol jetkizilgen. «Biz alǵa ilgerleýshilik baryn baıqaımyz. Bul erteńgi kúnge degen senimdi, turaqtylyqty arttyrady», - dedi ol. Qazaqstandyqtardy Halyqtyń birligi kúnimen quttyqtaǵan ol, kúsh - birlikte ekenin aıtyp qaldy.
«Biz shynymen de birtutas halyqpyz. Nursultan Nazarbaevtyń: «Biz qazaqstandyqtar - bir komandamyz!» degen sózi qatty unaıdy. Barlyǵyna aýyzbirshilik, yntymaq tileımin, san alýan ulttan turatyn eldiń júzi odan saıyn jarqyraı tússin degim keledi. Yntymaqpen bárine qol jetkizýge bolady», - dedi óz oıyn qorytqan Nıkolaı Gorbýnov.
