N.Ermekbaev Groznyıda Qaýipsizdik keńesi hatshylarynyń halyqaralyq kezdesýine qatysty
ASTANA. QazAqparat - 23-24 mamyrda QR Qaýipsizdik keńesiniń hatshysy -Prezıdent kómekshisi Nurlan Ermekbaev qaýipsizdik máselelerine jetekshilik etetin joǵarǵy ókilderdiń VII-shi halyqaralyq kezdesýine qatysty.
Bul shara Reseı Qaýipsizdik keńesiniń bastamasymen Sheshen Respýblıkasynyń astanasy - Groznyı qalasynda ótip jatyr, oǵan 80 memleket pen halyqaralyq uıymdar ókilderi qatysýda.
Kún tártibine halyqaralyq terrorızmge, dinı ekstremızmge, zańsyz kóshi-qonǵa qarsy is-áreket boıynsha halyqaralyq yntymaqtastyqty damytý máseleleri, sondaı-aq aqparattyq qaýipsizdikti qamtamasyz etý boıynsha halyqaralyq jáne ulttyq deńgeıde qabyldanǵan sharalar engizildi.
Qazaqstandyq delegatsııa basshysy sóılegen sózinde 2015 jylǵy qyrkúıekte BUU ekstremızmine qarsy is-áreket jónindegi sammıtinde aıtqan Memleket basshysynyń bastamalaryn halyqaralyq alǵa jyljytý mańyzdylyǵyna toqtaldy.
Groznyıda N. Ermekbaev Sheshen Respýblıkasy basshysynyń mindetin atqarýshy Ramzan Qadyrovpen, QR Qaýipsizdik keńesiniń hatshysy Nıkolaı Patrýshevpen kelissóz júrgizdi.
Sondaı-aq sharaǵa qatysýshy memleketter delegatsııasynyń basshylarymen, onyń ishinde QHR Kompartııasy OK Saıası-zańgerlik komıssııasynyń hatshysy - Saıası bıýro múshesi Men Tszıanchjý, Aýǵanstan Islam Respýblıkasy Prezıdentiniń ulttyq qaýipsizdik jónindegi keńesshisi - AIR Ulttyq qaýipsizdik keńesiniń basshysy Mohammad Hanıf Atmarmen jáne t.b. kezdesti.
