N.Bekqaıyr BQO jolaýshylar kóligi jáne avtomobıl joldary basqarmasynyń bastyǵy bolyp taǵaıyndaldy
Oblys ákiminiń baspasóz qyzmetinen habarlaǵanyndaı, 27 aqpan kúni oblys ákiminiń mindetin atqarýshy Ǵumar Dúısembaev jańa basshyny basqarma ujymyna tanystyrdy.
N.M.Bekqaıyr 1959 jyly dúnıege kelgen, Batys Qazaqstan aýyl sharýashylyǵy ınstıtýtyn ınjener-mehanık, Almaty saıasattaný jáne basqarý ınstıtýtyn saıasattanýshy mamandyǵy boıynsha bitirgen.
Eńbek jolyn 1981 jyly qazirgi Atyraý oblysy Inder aýylynda №46 kásiptik-tehnıkalyq ýchılışe oqytýshysy bolyp bastaǵan ol komsomol, partııa uıymdarynda laýazymdy jumystar atqardy. Burynǵy Taıpaq aýdanynda basshylyq qyzmetterde boldy. 2000-2005 jyldary Oral qalasy ákimi apparaty jalpy paıdalanýdaǵy jolaýshylar kóligin basqarý jónindegi bólim bastyǵy, 2005 jyldan qalalyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi jolaýshylar kóligi sektorynyń meńgerýshisi boldy.