N.Baıbazarov QDB lızıngtik enshiles kompanııasynyń basqarma tóraǵasy bolyp taǵaıyndaldy
Aıtyp ótilgendeı, atalǵan sheshim «Báıterek» ulttyq basqarýshy holdıngi» AQ basqarma tóraǵasy Erbolat Dosaevtyń tóraǵalyǵymen búgin ótken QDB-nyń Dırektorlar keńesiniń otyrysynda qabyldandy.
Holdıngte málimdegendeı, N. Baıbazarov osy laýazymda aǵymdaǵy jylǵy 30 maýsymynda ókilettiligi toqtatylǵan Alekseı Boevtyń ornyn almastyrdy.
N. Baıbazarovtyń 18 jyldyq eńbek ótili bar, onyń 7 jylynda «Qazaqstannyń Damý Banki» AQ-da basshylyq qyzmetterdi atqarǵan.
2004 jyldan bastap 2011 jylǵa deıin QDM-nyń jobalarǵa agenttiktik qyzmet kórsetý basqarmasynyń bastyǵy, ınvestıtsııalyq jobalar jónindegi basqarýshy dırektor, korporatıvtik damý departamentiniń dırektory, korporatıvtik hatshy laýazymdaryn atqardy.
2013 jyldan bastap búgingi ýaqytqa deıin QR Ulttyq ekonomıka mınıstrligi ekonomıka salalaryn damytý departamentin basqardy. Sonymen birge ár jyldarda ulttyq kompanııalarda, atap aıtsaq, «Qazaqstan temir joly» UK» AQ, «QazMunaıGaz Konsaltıng» AQ, «QazMunaıGaz» UK» AQ qyzmetter atqardy.
Nurlan Baıbazarov Qazaq memlekettik basqarý akademııasyn bitirgen. «Eren eńbegi úshin» medalimen marapattalǵan, dep habarlady Pm.kz.
