N.Áshim Qorshaǵan ortany qorǵaý mınıstri retinde Elbasy júktegen mindetterdi oryndady - K.Másimov
ASTANA. 21 qańtar. QazAqparat /Marlan Jıembaı/ - Nurǵalı Áshim Qorshaǵan ortany qorǵaý mınıstri retinde Elbasy júktegen mindetterdi oryndady.
Bul týraly búgin atalǵan vedomstvonyń jańa basshysyn tanystyrýǵa kelgen Úkimet basshysy Kárim Másimov aıtty.
«Men QR Parlamenti Májilisi depýtattyǵyna saılanǵan Nurǵalı Sádýaqasulyn quttyqtaǵym keledi. Úkimettegi bizdiń birlesken jumystarǵa rızamyn. Meniń oıymsha, sizdiń aldyńyzǵa qoıylǵan Memleket basshysynyń kóptegen mindetteri oryndaldy», - dedi Premer-Mınıstr.
Sonymen qatar aldaǵy ýaqytta da kóptegen mindetterdi birlesip sheshý qajettigin basa aıtqan Úkimet basshysy bul rette N.Áshimmen bıliktiń zań shyǵarýshy tarmaǵynda yntyqmasa jumys isteıtindikterine senim bildirdi.
Óz kezeginde Qazaqstan halqy men Elbasyna zor senim artqandary úshin alǵysyn bildirgen N.Áshim: «Meniń túsinýimshe, bul senim tek maǵan ǵana emes, sonymen qatar bizdiń mınıstrlikke, jalpy ekologııa salasyna kórsetilgen dep esepteımin. Keshe Parlament palatalarynyń birlesken otyrysynda Prezıdent jańa qyzmetker, burynǵy qyzmetker dep bólinbeı yntymaqtasa jumys isteý mindetin qoıdy. Sondyqtan Prezıdent tapsyrmasyn barlyǵymyz birlesip oryndaýymyz qajet», - dedi.
