N. Ábiqaev UQK Shekara qyzmetiniń eki áskerı qyzmetshisine memlekettik nagradalardy tapsyrdy
ASTANA. QazAqparat - Qazaqstan Respýblıkasy Prezıdentiniń Jarlyǵy boıynsha UQK Shekara qyzmetiniń eki áskerı qyzmetshisi memlekettik nagradalarmen marapattaldy.
Elbasy atynan Ulttyq qaýipsizdik komıtetiniń tóraǵasy Nurtaı Ábiqaev ІІІ dárejeli «Aıbyn» ordenin Qostanaı shekara otrıadyna qarasty «Qaıraq» (avtomobıldik) baqylaý-ótkizý beketiniń baqylaýshysy serjant Aleksandr Borgertke, al «Jaýyngerlik epligi úshin» medalin Jarkent shekara otrıadynyń komandıri polkovnık Qanat Daıshevqa tapsyrdy.
Serjant A. Borgert ótken jyldyń qyrkúıek aıynda «Qaıraq» (avtomobıldik) baqylaý-ótkizý beketindegi qyzmeti barysynda memlekettik shekara arqyly 32 keliden astam «geroın» esirtkisin alyp ótpek bolǵandardy anyqtady.
Al polkovnık Q. Daıshev bolsa ózine senip tapsyrylǵan bólimsheniń qyzmetin joǵary deńgeıde uıymdastyryp, sheberlikpen basqara bilgeni úshin marapattalyp otyr. Sonyń nátıjesinde onyń basshylyǵy kezinde kóptegen memlekettik shekara buzýshylar ustaldy. Sonyń bir dáleli retinde, byltyrǵy jyly óz elinde adam tonaý jáne alaıaqtyǵy úshin izdeýde júrgen Frantsııa azamatyn ustaǵandyǵyn atap ótken oryndy.
Vedomstvo basshysy marapattalǵandardy jeke quram atynan quttyqtaı otyryp, olarǵa aldaǵy kezde de qyzmetterine tabys tiledi, dep habarlaıdy QR UQK Shekara qyzmetiniń baspasóz qyzmeti.
